Meteyo:Ayiti anba menas lapli ak loray pou fen semèn nan

Direksyon jeneral Pwoteksyon Sivil lanse yon apèl pou vijilans pandan peyi Ayiti ak lòt rejyon nan pi gwo antiy yo ap sibi enfliyans move tan ki gen lapli ak kout loray sou plizyè depatman.

Selon enfòmasyon meteyowolojik yo, lapli ak loray ap kontinye tonbe nan plizyè zòn nan apremidi, aswè, epi pandan nwit lan. Sitiyasyon sa a gen plis chans pou l kontinye pandan fen semèn nan, espesyalman pou samdi 17 me ak dimanch 18 me 2025, kote lapli ak loray ap prevwa nan fen jounen ak aswè.

Direksyon Pwoteksyon Sivil lan raple popilasyon an ke nou antre nan sezon lapli, sa ki ogmante risk inondasyon, glisman teren, ak lòt dega natirèl. Yo mande tout moun pran prekosyon, evite travèse ravin ak dlo ki gonfle, epi swiv tout konsiy otorite lokal yo.